జ్ఞాపకాల ఎదురుచూపు

నీ కోసం ఎదురుచూసే ప్రతిక్షణం

నాకు కలయిక కంటే ముఖ్యం

ఆ కాస్సేపు గడిచే వెయ్యి యుగాలు

నిన్ను హత్తుకుని వుంటాయి

చూడాలని తపించే అను నిమిషాలు

నీ చుట్టూ కన్నీటి ప్రవాహాలై ముంచెత్తుతాయి

ఆర్పే కన్రెప్పలు

చిర్నవ్వే పెదవులు

చిప్పిల్లే దు:ఖభారాన్ని దాచలేక ఒగరుస్తాయి

నీ కోసం వేచిచూసే ప్రతిక్షణం

జ్ఞాపకాలు సీతాకోకచిలుకలై నా చుట్టూ రెపరెపలాడతాయి

నీతో చెప్పలేని మాటలు నాతో నిరంతరం ప్రతిధ్వనిస్తాయి-

మన మధ్య ప్రేమ ప్రవాహమయ్యే నిశ్శబ్దం-

స్పర్శ తోనే సార్థకమయ్యే శరీరం-

ఎప్పుడూ నిన్ను కౌగిలించుకుని

మమకారం దాపున దోబూచులాడతాయి

నీ కోసం వేచిచూసే ప్రతిక్షణం

నాకు వీడ్కోలుభారంతో సంబంధం లేదు

నువ్వు ఇంకెప్పటికీ రావనో

ఎప్పుడూ నాతో వుండవనో బాధలేదు

నా జీవితం గడిచినన్నాళ్ళూ

ఒక చల్లని ఊహ-

వెచ్చని స్పర్శ-

కన్నీటి చుంబనం-

మోహమే పరమ పథమైన బిగి కౌగిలింత-

నాతోనే సజీవంగా వుంటాయి

నీ కోసం వేచిచూసే ప్రతిక్షణం

నాకు కలయిక కంటే ముఖ్యం

వెయ్యి యుగాలేం ఖర్మ-

అనంత కోటి వత్సరాలైనా సరే-

నాతో అనుక్షణం కొత్త రూపమయ్యే నువ్వు

నాతో నిరంతరం శ్వాసించే నువ్వు

నా చుట్టూ నిర్మలానందంగా పరిభ్రమించే జ్ఞాపకాలు

నన్ను అమాంతం హత్తుకుని ఉక్కిరి బిక్కిరి చేసే జ్ఞాపకాలు

వేచి చూసే ప్రతిక్షణం-

నీ కోసం వేచిచూసే ప్రతిక్షణం

నాచుట్టూ ముంచెత్తే కన్నీటి ప్రవాహాల హృదయం

అనునిమిషం నిన్ను చూడాలని తపించి తపించి

ఎప్పటికీ

నీరింకిపోయిన స్థాణువై ఎదురు చూస్తుంది

…………..

http://www.eemaata.com/em/issues/200809/1315.html

ప్రకటనలు
This entry was posted in కవితలు and tagged , , . Bookmark the permalink.

2 Responses to జ్ఞాపకాల ఎదురుచూపు

  1. kalageeta అంటున్నారు:

    Thank U

  2. ponnalamohan అంటున్నారు:

    your poem is heart touching

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s