డిపెండెంట్ స్వర్గం

ప్రతీ రోజూ ముఖాన్ని అద్దంలో చూసుకుంటూనే ఉన్నాను
ఏ మార్పూ లేదు-
డిపెండెంట్ ముఖానికి మార్పులేం వుంటాయి?
ఇస్త్రీ చేయాల్సిన ఇంటిల్లపాదీ బట్టల్లా బద్ధకం పేరుకు పోతూంది
సింకులో పెనాలు
డిష్ వాషర్ లో ప్లేట్లు
అంతా సుఖమే
చన్నీళ్ళ బాధ లేదు
ఇల్లంతా కార్పెట్టు-
యంత్రమే శుభ్రం చేస్తుంది- నాచెయ్యి పట్టుకుని
ప్రత్యేకించి నాకో కారు
పిల్లల్ని స్కూల్లో దించడానికి-
పచారీ పన్లకీ-
చిన్నప్పటి పేంటూ చొక్కాల మోజు తీరిపోయింది
ఇంటర్నెట్టులో బంధువుల పలకరింపూ బానే ఉంది
రేడియో మిర్చి- టీవీ నైను- తెలుగు డీవీడీలు-
మంచు కురిసే నెగళ్ల రోజులు
చూసి తీరాల్సిన మాల్ లు
ప్రవాసాంధ్ర సాంస్కృతికోత్సవాలు
ప్రతీ రోజూ అద్దంలో నేను- అదే ముఖమేసుకుని
ఎంత చదూకున్నా నిరుద్యోగ వీసా గడప దాట నివ్వదు
ఏ రోజూ ఏ అద్భుత దీపమూ ప్రత్యక్షమవ్వదు
అతడి కెరీరే నా జీవిత గమ్యం
అతడి కాళ్ల మీద నించోవడమే- తప్పదు తథ్యం
అవును ప్రేమించాలీ దేశాన్ని
ఎలాగైనా చేరుకోవాలీ త్రిశంకు స్వర్గాన్ని
చెట్లూ పుట్టలూ ఆకురాలుస్తాయి
నా దగ్గర రాలేందుకు కన్నీళ్ళు తప్ప డాలర్లు లేవు
గాలులూ మబ్బులూ వాన కురిపిస్తాయి
నా దగ్గర కురిసేందుకు నిశ్శబ్దం తప్ప నోట్లు లేవు
వంట మనిషి, పని మనిషి
ఇస్త్రీ వాడు, డ్రైవరు
తోటమాలి, ఫైనాన్స్ మేనేజరు
షిఫ్టు తర్వాత షిఫ్టు….
ఓవర్ టెములున్నా ఒక్క పెన్నీ వుండదు
హైక్ లు, బోనస్ లు, అడ్వాన్స్ లసలే వుండవు
రోజుల తరబడి, నెలల తరబడి-ఏ మార్పూ లేదు
అద్దంలో – అదే డిపెండెంట్ ముఖం
…………….

http://www.pranahita.org/2009/04/dependent_svargam/

ప్రకటనలు
This entry was posted in కవితలు and tagged , , . Bookmark the permalink.

2 Responses to డిపెండెంట్ స్వర్గం

  1. kalageeta అంటున్నారు:

    Thanks raa Kalyani-

  2. kalyani అంటున్నారు:

    hi akka! i read this “Different swargam” kavitha its very beautyful i could relate to it toooooo… nice feel akka ..

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s