కనుపాప సవ్వడి

కనుపాప సవ్వడి

ఆకాశం వాన పుష్పాల సంబరాల్ని రాల్చుతూంది

అక్కడెక్కడో రెక్కలు సాచిన విహంగమ్మీద

నీ పాదాలు మోపిన సవ్వడి తెలిసే కాబోలు

చెట్లు చిగురింతల పులకరింతల్తో

మబ్బుల లేలేత కాంతి పుంజాల్ని వెదజల్లుతున్నాయి

ఆకుల సందుల్లోంచి సంభ్రమాశ్చర్యాల ఆకాశాన్ని

పరిచయం చెయ్యడానికి కాబోలు

ఇన్నాళ్ల దిగులు గుండె

ఇంకెప్పుడా అని  చేతులు సాచి ప్రార్థిస్తూంది

ఒక్క క్షణం  నిన్ను చూసి

దాటి వెళ్లే కనుపాప సవ్వడి చాటు

కన్నీరే గానీ మరేమీ కాదు

ఒక్క సారి దూరాంతరాల్లోంచి

దృష్టి సారించగలిగే

చిరు కోరికే గానీ మరేమీ కాదు

ఆకాశానివి నువ్వు

ధైర్యంగా తలెత్తి ఎలా చూడగలను నిన్ను?

కనిపించేవల్లా నీ పాదాలే

అడుగు మోపుతూ, ఆగుతూ

హృదయాంతరాళాన్ని

తలక్రిందులు చేస్తున్న నీ పాదాల సవ్వడే

ఎటు వత్తిగిలినా

స్పర్శేంద్రియాలన్నీ చెవులు రిక్కించుకుని

ఎదురు చూస్తున్న సవ్వడే

ఏ మూలనున్నావో

ఎక్కడ బయలుదేరుతావో ప్రపంచానికి తెలుసు

తడబాటు గుండెకెలా తెల్సు?

క్రీ గంట వాకిటనల్లుకున్న ఎదురు చూపు

ఒక్కటే పనిగా ద్వారాన్నంటి పెట్టుకుని ఉంది

ఏమీ తోచని బెంగటిల్లిన

ఒక బాధాన్విత గుండె

అవిశ్రాంతంగా ఆలోచనల దారల్ని

అటూ ఇటూ అల్లుతూ ఉంది

అయినా-

ఏదో మూల పులకరింపజేస్తున్న గొప్ప జ్ఞాపకం-

అణువణువునా విరబూస్తున్న ఆశాన్విత క్షణం-

ఒక రోజు-

వేల రెక్కలు సాచుకుని

ఈ వాకిట వాలే విహంగం

నీ పాద ముద్రలు రాల్చిన కాసింత ధూళి

నా జీవిత కాలపు స్వప్నాల మీద

జల్లి నన్ను నిద్రలేవదీస్తుంది

అవిశ్రాంతంగా ఆకాశం నించి

భూమ్మీద వరకూ నే పరుచుకున్న

స్వాగతపు కలల్ని సాకరం చేసి

నన్ను ఆలింగనం చేసుకుంటుంది

—–

వీక్షణం సాహితీ మిత్రుల రచనా సంకలనం -2016

——

ప్రకటనలు
This entry was posted in కవితలు. Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s