కొత్త కవాతు

కొత్త కవాతు

ఒక రాత్రి జీవితాన్ని చీకటిమయం చెయ్యగలదా!?

ఒక తప్పు దిద్దుకోలేని గతమై వేధించగలదా!

ఒక అరక్షణం

నాది కాని ఒక క్షణం

నా ప్రపంచాన్ని దు:ఖమయం చెయ్యగలదా!?

లేదు-

లేదు-

తెలిసో

తెలీకో

వెంటబడ్డ దుస్సప్నం నించి మస్తిష్కం మేల్కోలేదా?!

కాదు-

కాదు-

నిన్నా మొన్నటి వరకు నా జీవితాన్ని సుసంపన్నం చేసిన

నా ఆశయాలెన్నో-

లక్ష్యాలెన్నో-

ఒక్క సంఘటనతో మాయమవుతాయా?!

కణాలు కల్లోలమైనంత మాత్రాన

మనో నేత్రాలు మూతబడతాయా!?

ఎన్నెన్ని సుడిగుండాలు!

ఎన్నెన్ని సుళ్లు తిరిగే ఆలోచనలు!!

కారణాంతరాలు వెతికి

కలలు చేజార్చుకునే అవివేకంలో

తల దించుకున్న

ప్రతి నిమిషం లో పామై కాటేసే అపరిపక్వతలో

లేదు- కాదు-

అయినా నా పిచ్చి గానీ

అసలెన్ని లేవు ప్రపంచంలో?!

ఒక జీవిత కాలాన్ని ఆకాశమై దర్శించగలిగినవెన్ని లేవు?!

అయినా నా పిచ్చి గానీ

ఎన్నాళ్లు బంక మట్టి లోకి

ఆలోచనల వేళ్లు చాపుక్కూర్చుంటాం ఎవరైనా?!

ఎన్నాళ్లు వరద బురద నీటితో

దు:ఖపు గొంతు తడుపుకుంటాం?!

మిత్రులారా!

నేనిక్కడ తూరుపు తొలి వెలుగులో

నిలబడి ఇప్పుడే

జన్మించిన ఒక కొత్త

శరీరమై చెబ్తున్నాను వినండి

కాస్సేపు ఉదయ కిరణమై జాలువారేందుకు

తళుకు మెరుపులై

నాతో రండి

మీ భుజాలపై జీవితమంత భారాన్ని మోసే మీకు

ఒక చిరు దీపాన్ని మొయ్యలేనితనముంటుందనుకోను

నాతో కాస్సేపు మనసు విప్పి మాట్లాడేందుకు

మీకభ్యంతరముంటుందనుకోను

ఒక్క మాట చెప్పాలనుంది మనసారా!

ఒక్క పిలుపునివ్వాలనుంది వింటారా?!

జీవితపు అంచు మీద పెళ్లున బ్రద్దలయ్యే

దు:ఖాశ్రువులతో మరో గొంతు తడుపుదాం రండి

నవ్వుతూ తుళ్లుతూ తిరిగే సీతాకోకచిలుకలమై

రెపరెపలాడే మరిన్ని జీవితపు రెక్కల మీద కొత్త రంగులలముదాం రండి

ఏ కొసనైతే జీవితం సవాలు విసురుతుందో

అదే చివర నిబ్బరమై నిలబడే సరికొత్త సైనికులమై కవాతు చేద్దాం రండి

ఎయిడ్స్ లేని ప్రపంచాన్ని పునర్నిర్మిద్దాం రండి

……………..

For AIDS Awareness Program, Hyderabad-2013

ప్రకటనలు
This entry was posted in కవితలు. Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s