మా నారింజ చెట్టు

orange-tree

మా నారింజ చెట్టు

మా పెరటి నారింజచెట్టు తల్లయ్యింది

వందల అందాల నారింజ పళ్లతో

పరిపూర్ణ మాతృత్వాన్ని

పొదువుకున్న కల్పవల్లి

ఉదయారుణ కిరణాల్ని పిల్లలుగా కన్నట్లు

నిలువెల్లా అందమైన మేని ఛాయ

ఆకాశం ఇంద్ర ధనుస్సుని

విక్షేపించి బహూకరించినప్పుడు

రంగులన్నీ కూడబలుక్కుని

నారింజ రంగు గా మారినట్లు

మా పెరటి వాకిలంతా

గుండ్రని నక్షత్రాల గొడుగు పట్టిన

బంగారు తల్లి

నిన్నా మొన్నటి వరకు ఖాళీ కొమ్మలతో

పిల్లల్నీ, నన్నూ నిశ్శబ్దంగా గమనించేది

మారాం చేసే పసి కూనలు మైమరిచేలా

అమ్మ మనసు అర్థం చేసుకున్నట్లు

తన కొమ్మల మీద ఊయలలూపేది

ఆర్నెల్ల కిందట తొలి పువ్వు పూసింది

ఒక అందమైన ఉదయం

అడిగిన ప్రశ్నలన్నిటికీ

ఆహ్లాదంగా తలూపింది

అంతలోనే ఎదిగిన పిల్లల తల్లయ్యింది

మొన్న మొన్నటి వరకు

పచ్చని ఆకుల చాటున

ఎక్కడున్నాయో తెలియని

పిందెల బుడుతలివి

మొన్నా అటు మొన్న వరకు

సువాసన ధవళ పుష్పాలివి

ఎంతలో ఆర్తిగా అమ్మ చెట్టుని అల్లుకున్నాయి!

ఇప్పుడు ఎప్పుడూ

చిరుగాలికి బరువుగా కొమ్మలనూపుతూ

నారింజ పళ్లేసుకుని నవ్వుతుంది

గుంభనంగా మోయాల్సిన

జీవిత భారాల్ని గుర్తు చేస్తూ

గోడకి ఒరుసుకుని విస్తరించి

సఫల గాథల్ని వినిపిస్తుంది

అంతకు ముందంతా

చెట్టు కి గొప్పు తవ్వుతూ

ప్రతీ రోజూ నీళ్లు పెడ్తూ

ఆకులలములు ఏరి పారవేస్తూ

చెట్టు చుట్టూ అనుదినమూ

తిరుగుతూ తోటమాలినయ్యాను

పూత పరిమళం సోకగానే

చెట్టు చేతుల్ని తాకీ

హఠాత్ గాలికి పూత రాలిపడ్డప్పుడు

దిగులు చెట్టుని

అధైర్యపడొద్దని

వెన్ను రాసి ఓదార్చి

పెరిగే పిందెల చిర్నవ్వుల్ని

కలిసి తోడుగా పంచుకునీ

పళ్ల బరువు కొమ్మలకి

అమ్మ చేతులే అభయంగా

దాటు కర్రల్ని ధీమాగా నిలబెట్టీ

నారింజచెట్టుకి

ఇప్పుడు నేనే తల్లయ్యాను

……….

ఆటా సావెనీర్-2014

ప్రకటనలు
This entry was posted in కవితలు. Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s